ЕЛ ЧЕМПИОНЫНАН 3 ҰПАЙ

«Шахтер» футбол клубы «Астана» командасын жеңді.

Төрешінің ысқырығы берілген сәттен бастап қонақтар допқа иелік ете бастады. Алаң қожайындарының қақпасына бағытталған ең бірінші қауіпті сәт 6-шы минутта орын алды. Сол қапталмен Дмитрий Шомконың әуелетіп берілген пасы қақпа бағанасына тиіп, алаң сыртына шығып кетті. Ойынның 17-минутында төреші "Астана" пайдасына айып добын белгіледі. Қақпаға тура бағыттаған Джордже Деспотовичтің добын Шацкий қайтарып  бұрыштамаға жіберді. Алғашқы таймда кеншілер сапынан  Щацкий үздік болды.
Екінші таймды алаң қожайындары шабуылмен бастады. 48-нші минутта  Дамир Кояшевич  "Шахтердің" алғашқы соққысын  бағыттады. Ненад Эрич бұл соққыны сәтті қайтарып командасын голдан құтқарып қалды. Алаң қожайындары шабуылды үсті-үстіне үдете берді.
Ойынның 70-інші минутында "Шахтер" ойыншылары қорғаныстағы қателікті тиімді пайдалана соққы жасап, бағанаға тигізеді.  Қайта серпілген допқа
алғашқы болып жеткен Дамир Кояшевич , қолайлы позициядан Эрич қақпасына тура теуіп таблодағы есепті ашты. "Астана" жіберген голдан кейін жедел шабуылға кіріскенімен,  Щацкий қақпасынан саңылау таба алмады. 

Шахтер - Астана 1:0 (0:0)

Ескертулер: Шахметов 60, Томасов 74, Мужиков 78, Михунов 86.

Шахтер 
Негізгі құрам: Шацкий (к), Ткачук, Мужек, Кульбеков, Пикалкин, Шахметов (Володько 66),  Мигунов, Кояшевич, Вух (Стоянович 76), Наджарян, Суботич ( Шафф 64).

Қосалқы құрам: Дүйсен, Габышев, Тарасов, Пасичник,  Стояновия, Володько, Шафф, Татыбаев, Омиртаев.

Астана 
Негізгі құрам: Эрич (к), Шомко, Малый, Постников, Бейсебеков, Зайнутдинов ( Маевский 19), Кляйнхайслер, Мужиков, Муртазаев ( Твумаси 79), Томасов, Деспотович (Щеткин 68).

Қосалқы құрам: Мокин, Логвиненко, Аничич, Станоевич, Маевский, Перцух, Твумаси, Щеткин.

5 мамыр. "Металлург" стадионы Теміртау қаласы.